Von Pastor sine Koh
von Franz Schulte Nahrup

So schallere et lesten Middewiärken düört Kolpinghuus. Ernst Ruhe ut Milte brach ne ganze Liternei von de Koh und de Besökers konnen nao jede Strophe „Von Pastor sine Koh“ daoto singen. De graute Top Lüe freiere sick üöwe de lustigen Vetellsels de de Vüödriägers metbracht harren. Mathilde Kempkes met  „April, April lockt urs in den Sunnenschien“ un „De Kavalier“ von Hannes Demming ut Mönster kam von üöhr. Josef Bussmann wuss wat von Dirk Schlaumeier, de so manch Pöstchen harr und up nen Aprilscherz biet Gericht rinfallen was. Von Heinz Beckhove kam“ Int Fröhjaohr mäk dat Wiär wat et will“ Tüschkendüör wour bie de Lieder „Warnduorp auk Du büs de Aolle nicht blierwen“  un „To du junge Pättkesmann“wiee derbe sungen, well dat de Lüe süs ümmer tohöen mossen.

Wieder gongt düört Programm  met Ernst Ruhe „ met Dynamit den Aalkump lierig maken“,  Helmut Brokamp harr „Bue Piepenbrink moss de Uhr ümstellen“ un „ de trompeter inne Blaoskapell moß ne niee Bükse hemmen“.Vierle kleine Vetellsels kammen von Roswitha Wienströer.  Dat Jans met Naobers Libbet ant frieen was, poss de Öllern nich, well dat se evangelsch was. Jans gong dann auk es met Libbet an son Diek baden. Biet uttrecken dreihere he  sick ümmer üm. Dao sägg Libbet, Wat kiks du so. Jau segg Jans, Ick häw nicht wusst dat de Unnerscheid tüschken evangelsch un katholsch so graut is. De neichste Krinknomdag is an 22. Mai wiee int Kolpinghuus.

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2019 (Impressum und Datenschutzerklärung)