Hiärwstvetellsels un Fettmarkt bien Krink
von Franz Schulze Nahrup

Heimatverein Warendorf: Fettmarkt 1934 - Gemüse auf dem MarktplatzMet Dat Leed „Warnduorp im Land Westfaolen, wiet un siet de Stadt man kennt“ von Joseph Gröning ut 1913 gong de Krinknommdag loss.

Mathilde Kempkes harr sick „Erntedank – he leiht den Roggen wassen“ un „De Kabuskopp“ trächte legget. Erntedank up de ganze Welt to vescheidenen Tieten kam von Josef Bussmann. Heinz Beckhove wuss wat üöwe de Kraniche, dat dann de Hiäwst nich mä wiet is. Auk Hedwig Timpe harr sick etliche Vetellsels trächte legget. Bie dat Leed „Warnduorp auk du büs de aolle nich blierwen“ konnen de Besökers es derbe Damp aflaoten, well dat se ümmer tohöen mossen. De Saal was rappelvull un an de roaden Blessen konns seien, dat de Kaffe aol gurt wirkt harr. Wiede gongt met Helmut Brokamp. He wuss allerhand Sprüke ut de Scholtiet. „Wenn de Hahn kreiet up,n Mess, bliwt Wiär wu es iss.  „Dat Lachen draffs nich vegiäten“ kam von Roswitha Wienströer. Tüschkendüör wuorn de Leeder „Kinen Druopen im Becher mä“ un „ Wenn alle Pütts vull Water sin“….sungen.  „Dat Liäben geiht nen krummen Patt“ en fein Riemsel druog Hermann Grüter vö.

Manfred Koch harr die Bieliärwnisse von fröher von Fettmarkt. In de Boxbude Schlüter harr de aolle Schlüter mest Tiets aoll nen lük Marmelade int Gesicht strieken, well dat he bie dat schummrige Lecht wöst utsaog. Et gong die dann derbe rund, wenn de hiesigen Katzoven in den Ring gongen, de auk fö Blout kinne Angst harren. Äs de Bue Jans dick vont Fettmarkt trügge kam, harr he den Schwinestallt met de Schlopkammer vewesselt. He wünnere sick, es he bie de Surge üöwe den Buk streek, dat dao twee Riegen Knöppe wassen. Dao dach he, Döbel nao maol, hät de Frau all wiee nen nieet Nachthiemd, nu aoll met twee Riegen Knöppe. So gong nen lustigen Nommdag to Enne und man freiht sick aoll up den Jagdnommdag an,n 20.November  wiee int Kolpinghuus.

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2019 (Impressum und Datenschutzerklärung)