Heimatverein Warendorf

• Startseite 
• Bilderbogen
• Stadtmuseum
• Persönlichkeiten
• Warendorfer Lexikon
• Kirchen
• Textilstadt
• Erlebte Geschichte
• Friedhof
• Impressum
• Archiv

Vierl Gesang bien Krink (9. 5. 2018)
von Franz Schulze Nahrup

Met vierl Gesang – alls in plattdütsk – leip de leste Krinknommdag aff. „De Mai is nu dao“ schallere et düört Kolpinghuus. „ To,du junge Pättkesmann“, „Freit ju an,t Liäben“. All düsse Leeder in urse Böksken sin in Mönsterlänner Platt ümschriewen wourn von Joseph Beckmann.

De Vetellsels un Riemsels kammen owe auck an düssen Nommdag nicht te kuort. Mathilde Kempkes harr wat üöwe nen het Fröhjaohr un „De Mannslü wüörn upn Patt“. „ de Bue ant Dreimen in sien graute Berre“ un „De Liebesgeschichten in Platt von Anton Aulke, druog Helmut Brokamp vüör. Dat Fröhjaohr is dao –de Geitlinge kriegt sick in de Wulle kam von Josef Bussmann. Heinz Beckhove harr Vetellsels  met „Jans un Terro, twee Scholjungs, driäpt sick nao Jaohren wiee un frochen sick giegensietig ut.“

Dann kam de graute Uptriit von Ernst Ruhe ut Milte. Met sien Oller von weet üöwe Achtzig Jaohr un ne klaore Stimme song he dat Leed von de Frieerie vöür. „Sonne Friggerie – dach,k bi mi – is wat för verrückte Lü!! Nao jede Strophe von Ernst sangen de Besökers düsse Riege. Wiede gongt düört Programm met „ „De Herren von de Bahn sin den heelen Dag in,n Tran“ „Wenn Goldhochtietsglocke lüet“ „ half- ode Dreivetel dick is nix“.Terro un Heinz gongen spazeren. Dao saoch Heinz nen gefälschten Teinmarkschien. Worüm is de dann gefälscht. Dat süs Du doch, de hät twee Nullen. Met dat Afscheedsleed „Gurt gaohn – auk so – bes en anner Maol“ mäk de Plattdütske Krink nu Summerpause. An,n 12. September geiht es wiee loss.