Heimatverein Warendorf

• Startseite 
• Bilderbogen
• Stadtmuseum
• Persönlichkeiten
• Warendorfer Lexikon
• Kirchen
• Textilstadt
• Erlebte Geschichte
• Friedhof
• Impressum
• Archiv

Gurt vettig Lüe bin Krinknommdag
von Franz Schulte Nahrup (7. 2. 2024)

Bin lesten Krinknommdag int Malteser Marienheim konn de Baas, Franz Schulze Nahrup, gurt vettig Lüe begrüßen. Dat ösige Wiär konn de Besökers nich daovon affholn, en lük fö de Moderspraoke to dohen.  Met dat Leed „Freit ju ant Liäben“ gong et loss.  Josef Bussmann harr wat üöwe Lichtmess to vetelln. Fröher leip alls mä nao dat Kiärkenjaohr.  Von Dage hät de Kalenner den Afflaup von dat Jaohr to bestimmen. Bie gurt Wiär kammen daomols dann auk oll de ersten dicken Baunen  in de Iäre. Auk dat Vetellsels von den Blaosiussiängen kam von em.  Heinz Beckhove harr passend wat üöwe den vierlen Riägen.  „Dat Water stötere men so ut den Hirmel“.  Auk konn he daorüöve berichten, dat de Westfaolen alle toiärst in de Hölle kammen.  Bie dat Leed „Wenn alle Pütts vull Water sin, dann mot man drinken“ konnen de Besökers es wiee  derbe Damp aflaoten, well dat se de ganz Tiet tohöen mossen.

Ernst Ruhe harr sick  lustige Vetellsels trechte legget. He brach „Dat Goldpaar bie Petrus“ und „ De Besök kam up den besten Stuorm“. Auk de Baas har nen Riemsel metbracht „ Wenn sovull Riägen von bouben kümp mot man den HerrGott danken, well dat he an dat schöne Mönsterland denkt“.  Auk „En Panker hät bien Friseur sine Müske wiee funnen“ kam von em. Wiede gongt met dat Leed „O wu schön is mien Westfaolen“. Auk de Karneval kam nich  te kuort. So gawt wiee allerhand to lachen un met dat Toropleed „ Gurd gaohn, auk so, bes en anner Maol“ gong man vegnögt nao Huuse. De neichte Krinknommdag is an,n 10.April, wiee  int Malteser Marienhiem.