Heimatverein Warendorf

• Startseite 
• Bilderbogen
• Stadtmuseum
• Persönlichkeiten
• Warendorfer Lexikon
• Kirchen
• Textilstadt
• Erlebte Geschichte
• Friedhof
• Impressum
• Archiv

Plattdeutscher Nachmittag am 10. 4. 2024 im Marienheim
Heinrich Hellmann kam es Knecht
von Franz Schulze Nahrup

Warnuorp. To den lesten Krinknommdag int Malteser Marienheim konn de Baas, Franz Schulze Nahrup, ne ganze Masse Lüe begrüßen. Nen Extragruß gong an de Vösitzende von den Heimatverein (wie von Plattdütsken Krink sin daovon ene Abteilung), Mechthild Wolff. De Baas freiere sick auck, dat Resi Hülsmann dao was. Se hät fröher vierl vödruogen un auck kleine Sketsche metspierlt. Von Dage kann se nich mä recht wat völiäsen, well dat öhre Augen nich mä metmakt. Se is all telange ut de Schoole.

Met dat Leed „Moderspraoke wat klings du söt“ von Natz Thier gongt met dat Programm loss. Josef Bussmann druog de Vetellsels „ Et wäd wiee grön, wie häbt April“ und „In,n Fröhjaohr wäd de lange Unnerbücks unnerplögt“ vüör. Heinz Beckhove harr „Märtentiet-Märtenluft-Fröhjaohrsduft“ un „De Breefdriäger kümp üöveall henn“.  Well dat et de lesten Dage sovull Riänget harr, wour dat Leed „Wenn alle Pütts vull Water sind“ sungen. Daobie konnen de Lüe es en lük Damp aflaoten,well dat se de ganze Tiet still wassen. Wieder gongt int Programm met Gerda de Byl „Dao is de Anton Schuld dran“ En Vetellsel, wo sick de Pastor wünnere, dat in de ganze Bueschup sovull Kinner wassen. Jau hät em ene Buenfrau seggt: Ümmer wenn morns üm fief Uhr de Pengelanton tutet wä wie wack un tot Upstaohn ist to fröh und tot Wiederschlaopen te laat, dabie passeet dat dann.“

Ernst Ruhe harr besinnlike und lustige Vetellsels. Dann kam Heinrich Hellmann und Josef Bussmann tesammen to Wuort. Heinrich stellere sick es Knecht met sinen Hektor bie den grauten Buen Graute Bussmann vö. He harr genaue Vöstellungen, wat he alle hemmen wull. Owe anlest frog em de Bue, ow he auk Klaveer spierlen könne. Dat könnere he nicht. Graute Bussmann meinere dann, dann kank die bie urs nich gebruken. Tüschkendüör wuor ümmer wie sungen. So gongen plaseelike Annerthalf Stunnen up üöhr Enne to un man freit sick all up den neichsten Krinknommdag an,n 8. Mai wie int Malteser Marienheim.

Plattdütsker Küernommdag
Termin: 10. 4. 2024
Zeit: 15.00 - 16.30
Ort: Marienheim Warendorf, Ostbleiche

De Plattdütske Krink mek wiee nen Küernommdag int Malteser Marienheim an de Ostpaote. An,n 10. April von 15.00 büs 16.30 Uhr driäpt wie urs dao in de Kapelle un höet lustige Vetellsels und Riemsels. Sungen wäd un Schult Naob un Heinrich Hellmann spielt den Trecksack. Büs neichste Wiärke sall dat rüsige Wiär wull vöbie sien un wie könnt bie Sunnenschien düör de Promenade daohen gaohn. Brengt ju Leederböksken met.