Heimatverein Warendorf

De leste Küernommdag vö de Summerpause. (16. 6. 2010)

 Niddewiärken harr de Plattdütske Krink to nen Kuernommdag in,t Kolpinghuus inladet. Franz Schulze Nahrup begrüßere alle un met dat Leed „Nu sett.t ju alle dicht bieneen“ steg man in dat Programm. Mathilde Kempkes harr de Vetellsel „Nu bleiht dat Korn“ und „Söfken harr et in,t linke Been“. Annie Dopheide met „Jans Füchtrup up Reisen“ un „“Oma bien Dokter“ schlaut sick an. „Twee Buen an,t Gericht“ un „Unner urs geseggt“ kam von Gerda Dillmann. „Vakanz in,t Suerland“ von Ottilie Baranowski wour von Roswitha Wienströr vödrugen.  Bie dat Leed „ Dat Leiwen brengt vierl Freid“ konnen de Besökers derbe Damp aflaoten, well dat se süss ümmer tohöen mossen. Üöwe ne Buenhochtiet von fröher met Suppe, Rindflees met

 Sierpelsoße, Schnitzel, Suebraoden usw. wuor auck berichtet. Nao Danz up de Diärl gongt düör de Naobeschup tot Eieriäten. So ne Buenhochtiet duere fröher ümmer  ne ganze Wiärke. Biet Afhieraoten gawt nich sonne graute Fiee.

In dat Leed „ O wu schön is mien Westfaolen“ kümp als ut dat schöne Mönsterland vüö. Met Bedacht wuorn alle sess Strophen düörsungen..Vierle Lüe häbt plattdütske Böker to Huuse, de von Dage nicht mehr von de Velage uplegget wäet.  Franz Schulze Nahrup mok noa daorup upmerksam, dat de Plattdütske Krink aolltiet aolle Böker in Plattdütsk gebruken kann. Jeder, de to Huuse plattütske Böker üöwe hät, kann de in de Sonnen-Apotheke, Mönsterstr.13, WAF, afgiewen. De  Krink mäk in,n Juli und August Summerpause. De naichste Krinknommdag is an Middewiärken, den 8. September wiee in,t Kolpinghuus. Bes daohen „Gurt gaohn“.