Plattdeutsch: Nen vullet  Ächterstüöwken
von Franz Schulte Nahrup (18. 9. 2019)

Dat Ächterstüöwken was rappelvull un Franz Schulze Nahrup konn daobie Gäste ut Milte un Aohlen begrüßen. An de brunen Blessen von de Besökers konn man seien, dat de Ene of Annere uthüsig west wüör un allerhand Sunne kriegen harr. Putzmunter un kriergel wassen alle Stammbesökers dao.

Met dat Leed „Moderspraoke wat klingst du söt“ gong et loss. Mathilde Kempkes was uthüsig west un harr nen Vetellsel von „ Dat wiede Kieken üöwe denn See“. Josef Bussmann wuss di wat von „Henrich bie Schult Gneisepin in Kost“. Et gaw dao so wennig to iäten, dat he nich richtig wat tüschken de rRngsten harr un auck wanners dao düör de Latten gong. Met „ Leiwe Herr lot langsam goahn und de Tiet es manchens staohn“ harr sick Helmut Brokamp trächte legget. Roswitha Wienströer harr lustige Vetellsels und Riemsels fö düsse Nommdag praot. Well dat Vullmoandtiet was, sang man dat Leed „Et schint de Moand so hell up düsse Welt“. Daobie konnen de Besökers es derbe Damp aflaoten, well dat se ümmer tohöen mossen. Danao kam Ernst Ruhe ut Milte sine graute Tiet . He is jä wied üöwe nienzig Jaohre aolt un hät wat üöwe seine Tiet bienene schriewen. „ De aollen Tieten – wat fröher alls noa anners was“.  Viele Lüe häbt daobie nen lück gneset un dacht, dat häw ick auck bieliäwt. Drei, veer Leeder wourn noa sungen un dann gawt met „Gurd gaohn – auk so – bäs en anner Maol“ den Schluß von enen lustigen Nommdag. Et gaw die vierl to lachen. Dat neichste Krinkdriäpen is an 16. Oktober wiee int Kolpinghuus.

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2019 (Impressum und Datenschutzerklärung)