Lichtmäs bien Krink
von Franz Schulte Nahrup

Üöwe de haugen Kiärkenfiedage Lichtmäs un St. Blasius wuor lesten Middewiärken bien Krink küet. Fröher wuor bie de Buen un Küötter winderdag ümmer int Holt arbeit, well dat alls wat up,n Hoff was es Hiäüdfüe, Kohpott un auck de Hiäd inne Kürke , met Holt bötet wuor. Un wenn Lichtmäs was – Anfang Februar – wast aoll ne Stunne länger hell, dann schaffere man ene Buschke mä biet Hiergen uparbein. Tot Buschken harr mann en egen Messer wat gurt in de Hand lag un womet man son,n armdicken Bengel in ene Schlag düörschlagen konn. Up meterlänge lag man dat Toptüg von de Hengen und Beime in den Buschkbinner. Met den langen Isenbürgel drückere man dat ganze Wiärks bienene un harr dann foots den Draoht drümspannt.  So wuorn de Hiergen up,n Stock settet un niebenbie Hädfüeholt sammelt.

Noa dat Leed „Moderspraoke wat klings du söt“ von Natz Thier, stegt Josef Bussmann int Programm met „Wat ne Kölde düt Jaohr“ un man ist „De Grötzte fö nen paar Dage bien Karneval“. Auk Helmut Brokamp harr wiee sick lustige Vetellsels trächtet legget. „Die Maskenball int Mönsterland und Plattdütsk sall wiee küet wäen“ kammen von em. Sungen wuor auk wiee ümmer tüschkendüör met de Leeder „Et schint de Moan so hell ….“ Un „wenn alle Pütts vull ‚Water sin“. Dann kam Werner Elpers, he harr es wiee Tiet den Krink to besöken Son.n Stadtführer weht jä vierl to vetelln. Off als woar was, mürt de Lüe söft bedenken. Roswitha Wienströer brach ne Büttrede von 2001 un  „Wenn de Pastor gähn up Jagd geiht“.  Wiee wast nen lustigen Krinknommdag, de auk gurt besocht was. Dat neichste Maol driäp wie urs erst wiee an,n 11. April, well dat Kolpinghuus in,n März belegt is, düör de Karnevalstiet. Met „Plattdütsk is so fien, Jedereene is debie, kürt wäd dütt un datt in dat in dat Mönsterlänner Platt, gong nen lustigen Nommdag to enne.

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2024 (Impressum und Datenschutzerklärung)