Über den plattdeutschen Krink
De Vödriägers harren sick gurt prepereat

Warnduorp (gl). Enen vullen Saal met niegierige Lüe konn de Baas Franz Schulze Nahrup begrüßen. Üöwer füftig Lüe harren sick düssen Nomdag utsocht, um es wiee Plattdütsk to höen un te singen. Bie dat anfangsleed „Urse Warnduorp" können de Besökers foats derbe Damp aflaoten, un et schallere man so um de Pöste. Met de besinnliken Vetellsel „De Oktober" un „Emtedank" maok Mathilde Kempkes den Anfang, De Vödriägers harren sick gurt prepereät fö düsse annerthalf Stunnen, un Roswitha Wienströer luos „En Bue kam nao Warnduorp" un „De Kinneruptucht" vüör. Auck niee Vödriäge melieren sick. So brach Maria Große Streine „August to Besök" un „Alls
bienene fö den nieen Schwinstall". Resi Hülsmann met „ Gedanken to Erntedank" un „Fettmarkitkiärmes", . un Heinz Beckhove harr de Vetellsel „Jans feilt ne Frau" un „Alls to sine Tiet" paraot. Met dat neichste Leed „Mine Moderspraoke" von Natz Thier leit de Baas es wie de Luft ut den Trecksack, un de vesochen düör üören Gesang, de Musik to üöwertönen.´So gong et hauge hiär int Kolpinghuus. De Vödriägers brachen nur en
lusitge Vetellsel nao dat annere. Tüschkendüör wuss Lisbeth Fockenbrock de ene of annere plattdütske Waohrheit. Daobie kam herut, dat man Plattföte nich bloss met Tabletten un Salben behanneln kann, oft helpere auck es maol ne Luftpumpe.
 

So gaw et vierl to lachen an düssen Nomdag. An Lest maok Franz Schulze Nahrup up de Faohrt von den Heimatverein Warnduorp nao Monster upmerksam.. „Moral in Muggenhusen" wäd doa spierlt. An 21. November, 14.30 Uhr, is Abfaohrt von Wilhelmsplatz. Giegen 18.30 Uhr is man wiee to Huuse. Intritt un Faohrt kosten 15 Euro. De Anmeldeliste lig in de Sunnen-Apotheke up de Mönsterstroate 13 ut. De ersten füftig Lüe küönt metföhen. Gurt 50 Besökers freiht sick nu aoll up den plattdütsken Jagdnomdag ann 9. November von 16.30 büs 18 Uhr int Kolpinghuus.
Gurt gaohn.

 

(Aus "Die Glocke", 19. 10. 04)   

 

 

Startseite Stadtmuseum Kirchen Lexikon Erlebte Geschichte Archiv Über uns
Bilderbogen Gadem St. Laurentius Persönlichkeiten Veranstaltungen
Video Tapetensaal St. Marien Straßennamen     Impressum
  Torschreiberhaus Christuskirche Mariä Himmelfahrt      
  Haus Bispinck St. Joseph Karneval      
    Affhüppenkapelle Fettmarkt      


Heimatverein Warendorf e. V., Vorsitzende: Mechtild Wolff, An der Kreutzbrede 7, 48231 Warendorf, Tel: 02581 2135        
E-Mail: vorstand@heimatvereinwarendorf.de
Copyright: Heimatverein Warendorf (C) 2005 -2024 (Impressum und Datenschutzerklärung)